У гомельскіх школах чытаюць па-беларуску з «Velcom»

Рэгіянальныя ўрокі сацыяльнага праекта «Чытаем па-беларуску з «Velcom» пачаліся ў Гомелі. Адукацыйная праграма пройдзе ў 25 школах.

Пачаўся праект яшчэ ў мінулым годзе ў Минску. Удзел у ім узялі  чатыры тысячы юных мінчан. Плануецца, што праект ахопіць у агульнай колькасці 150 школ па усёй Беларусі, больш за 15 тысяч вучняў пачатковых класаў атрымаюць дадатковыя веды па роднай мове, літаратуры і культуры. У Гомелі першы ўрок вырашылі правесці ў 36-й гімназіі сярод вучняў другога і трэцяга класаў.

Настаўнікі праекта – вядомыя беларускія пісьменнікі , акцёры і тэлевядучыя. Фармат заняткаў прынёс пазітыўныя эмоцыі не толькі вучням, але і самім настаўнікам.

Галоўная задача такога праекта – развіць у дзяцей цікавасць да беларускай мовы. Наступныя ўрокі адбудуцца ў Брэстцкім і Магілёўскім рэгіёнах.